MTOTO WA MIAKA 7 AFARIKI KWA KUPIGWA NA BABA YAKE MZAZI

“PRESS RELEASE” TAREHE 20.03.2014.  

• MTOTO WA MIAKA 07 AFARIKI DUNIA BAADA YA KUPIGWA NA BABA YAKE MZAZI.

• MTU MMOJA AUAWA BAADA YA KUPIGWA NA KUNDI LA WANANCHI KWA TUHUMA ZA WIZI

• MTEMBEA KWA MIGUU AFARIKI DUNIA BAADA YA KUGONGWA NA GARI KATIKA AJALI YA BARABARANI.

• JESHI LA POLISI MKOA WA MBEYA LINAWASHIKILIA RAIA WA KIGENI WATANO KWA KOSA LA KUINGIA NCHINI BILA KIBALI.

KATIKA TUKIO LA KWANZA:

MTOTO AITWAYE IREENE MARCO MBEMBELA (07) MWANAFUNZI CHEKECHEA SHULE YA MSINGI MIGOMBANI NA MKAZI WA SOGEA ALIFARIKI DUNIA WAKATI AKIENDELEA KUPATIWA MATIBABU KATIKA KITUO CHA AFYA TUNDUMA.

MAREHEMU ALIPIGWA KWA KUTUMIA FIMBO SEHEMU MBALIMBALI ZA MWILI WAKE HADI KUPOTEZA FAHAMU  NA BABA YAKE MZAZI  ALIYEFAHAMIKA KWA JINA LA MARCO MBEMBELA (30) MKAZI WA SOGEA – TUNDUMA.

TUKIO HILO LILITOKEA TAREHE 19.03.2014 ALFAJIRI HUKO SOGEA KATA NA TARAFA YA TUNDUMA WILAYA YA MOMBA KWA TUHUMA KUWA ANATABIA YA  KUZURURA OVYO KATIKA NYUMBA ZA WATU.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAZAZI/WALEZI KUTUMIA BUSARA KATIKA KUWAELEKEZA NA KUWAONYA WATOTO WAO BADALA YA KUWAPIGA KWANI NI HATARI KWA AFYA NA MAISHA YAO.

PIA HUKO WILAYA YA KYELA:

MTU MMOJA ALIYEFAHAMIKA KWA JINA LA MATESO LAMSI (25) MKAZI WA KIJIJI CHA NDOBO ALIUAWA KWA KUPIGWA SEHEMU MBALIMBALI ZA MWILI WAKE NA KUNDI LA WANANCHI WALIOAMUA KUJICHUKULIA SHERIA MKONONI WAKITUMIA SILAHA ZA JADI FIMBO, MAWE NA MARUNGU.

TUKIO HILO LILITOKEA TAREHE 18.03.2014 SAA 20:00 USIKU KATIKA KIJIJI CHA NDOBO, KATA YA NDOBO, TARAFA YA NTEMBELA, WILAYA YA KYELA. CHANZO CHA TUKIO HILO NI TUHUMA ZA WIZI BAADA YA MAREHEMU KUKAMATWA AKIIBA KAKAO KWENYE SHAMBA LA JAPHET MWAKALINGA.

MAREHEMU ALIKUWA MHALIFU MZOEFU NA AMETOKA GEREZANI HIVI KARIBUNI. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA TABIA YA KUJICHUKULIA SHERIA MKONONI KWANI NI KINYUME CHA SHERIA NA BADALA YAKE WAWAFIKISHE WATUHUMIWA WANAO WAKAMATA KWA TUHUMA MBALIMBALI KATIKA MAMLAKA HUSIKA KWA HATUA ZAIDI ZA KISHERIA.

AIDHA KATIKA TUKIO JINGINE:

MTU MMOJA ALIYEFAHAMIKA KWA JINA LA GODFREY KAYANGE (22) FUNDI MAGARI, MKAZI WA MAKAMBAKO ALIFARIKI DUNIA MUDA MFUPI WAKATI ANAPATIWA MATIBABU KATIKA HOSPITALI YA  WILAYA MBARALI BAADA YA KUGONGWA NA GARI LENYE NAMBA ZA USAJILI T.859 AGL/T.650 AKB AINA YA SCANIA TRUCK LILILOKUWA LIKIENDESHWA NA DEREVA BENJAMIN MANDELE (38) MKAZI WA MAFINGA.

AJALI HIYO ILITOKEA TAREHE 19.03.2014 SAA 16:00 JIONI KATIKA KIJIJI CHA MKOMBE, KATA YA UBARUKU, TARAFA YA RUJEWA, WILAYA YA MBARALI MKOA WA MBEYA KATIKA BARABARA YA MBEYA/NJOMBE.

CHANZO CHA AJALI NI UZEMBE WA DEREVA KUTOKUMUONA MAREHEMU WAKATI AKIDANDIA GARI HILO NA KUMGONGA. MTUHUMIWA AMEKAMATWA NA GARI LIPO KITUO CHA POLISI RUJEWA. 

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO HASA KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.

KATIKA MSAKO ULIOFANYIKA ENEO LA KASUMULU:

JESHI LA POLISI MKOA WA MBEYA LINAWASHIKILIA RAIA WA PAKISTAN WATANO AMBAO NI 1. MOHAMED RASHID (35), 2. SADAM HUSSEIN (19), 3. NAWICED IGBILI (23), 4. GULU LAZA (31) NA 5. MUZZAFAR HAMED (24) WOTE WAKAZI WA NCHINI PAKISTAN  WAKIWA WAMEINGIA NCHINI BILA KIBALI.

WAHAMIAJI HAO HARAMU WALIKAMTWA TAREHE 18.03.2014 SAA 18:00 JIONI HUKO KATIKA ENEO LA KASUMULU, KATA YA NGANA, TARAFA YA UNYAKYUSA WILAYA YA KYELA.  WATUHUMIWA WAMEKABIDHIWA IDARA YA UHAMIAJI.

 KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUTOA TAARIFA ZA WATU WANAOWATILIA MASHAKA KATIKA MAENEO YAO ILI UCHUNGUZI ZAIDI UFANYWE DHIDI YAO.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.