FACEBOOK KUJIIMARISHA KWA NDEGE ZISIZOKUWA NA RUBANI

Mmiliki wa facebook, mtandao wa kijamii mkubwa kuliko yote duniani, Mark Zuckerberg akiwa katika mkakati wa kutimiza lengo lake la kuunganisha dunia, sasa anadaiwa kufikiria kutumia ndege zisizokuwa na rubani kusambaza huduma hiyo ili kutimiza ndoto yake.

Kwa mujibu wa TechCrunch, mmiliki wa mtandao huo, anadaiwa kuwa katika maongezi ili kununua Titan Aerospace (PICHANI KUSHOTO), hii ni kampuni inayozalisha ndege (drone) ambazo hazina rubani na zinatumia jua kama chanzo cha nishati yake.

Ndege hizo zinazojulikana kama “atmospheric satelltees” zinaweza kutumika kusambaza mawasiliano, na kufikisha sauti pamoja na huduma ya data kwa maili nyingi kwani ziko katika njia ya mzunguka wa dunia.

Facebook wanafikiri wangependa kutumia huduma hiyo kusambaza mawasiliano katika maeneo ambaya hayana mtandao na si rahisi kufikisha mtandao. Kampuni hiyo ina mpango wa kuanza kupeleka ndege hizo zisizokuwa na rubani katika bara la Afrika na kwamba watatengeneza ndege 11,000 kwa kuanzia, kwa mujibu wa TechCrunch.

Ununuzi huo utakuwa ni maendeleo makubwa ya internet, ambayo ni jitihada na mchango mkubwa wa Facebook na baadhi ya makampuni ya simu za mikononi ambapo yataleta na kutoa fursa kwa watu zaidi ya bilioni 5 duniani ambao kwa sasa hawana.

Drone hizo za Titan zinaweza pia kuisaidia vizuri Facebook ambayo imejitanua zaidi kwa kununua mtandao wa kijamii wa Whatsapp ambao ulinunuliwa hivi karibuni kwa dola za kimarekani bilioni 19 ambao ni maarufu sana katika nchi zinazoendelea ili kupata zaidi huduma ya internet.

Facebook ndio utakuwa mtandao wa kwanza kujaribu huduma hiyo ya ndege ambazo hazina rubani, mwaka jana Google walianziasha Project Loon, mradi mdogo ambao unatumia nishati ya jua kufikisha internet katika maeneo yasiyofikika.

Amazon waliikebehi Facebook kwa kudai kuwa hizo ndege zitafikisha internet ya dakika 60 mwezi desemba. Hata hivyo Facebook hawakujibu chochote